مدونة ميديا لكتب الطّبخ: كتاب تزيين الحلويات للسّيدة بن بريم سعيدة

مدونة ميديا لكتب الطّبخ: كتاب تزيين الحلويات للسّيدة بن بريم سعيدة: عنوان الكتاب : بن بريم - تزيين الحلويات 1  

الى كل محبي الصابلي......صابلي التاج رووووعة

بسم الله الرحمان الرحيم

السلام عليكم اخواتي في الله

حلوى اليوم معروفة وهي حلوى الصابلي انا شخصيا من الحلويات المفضلة عندي تذوب في الفم وغير مكلفة
الجديد ان راح نعملها في قوالب السيليكون راح نتحصل على صابلي التاج كنوع من التغيير شكلها يجي راااائع 
بالنسبة للعجينة ممكن للاخت تستعمل اي عجينة صابلي تكون معتمدتها اذن نبدأ على بركة الله


المقادير:

250غ مرقرين 
120غ سكر رطب
2صفار بيض
بيضة كاملة
نصف كاس نشاء
نصف م ص خميرة الحلوى
فاني
فرينة
للتزيين:
معجون
سكر رطب
كاوكاو محمص ومدشش

الطريقة:
بواسطة الخلاط الكهربائي نحرك السكر مع المرقرين جيدا من بعد نضيف البيض ونستمر في الخلط
بعدها نضيف الفاني والخميرة والنشاء ونلم بالفرينة حتى نتحصل على عجينة طرية ومتماسكة في نفس الوقت نجمع العجينة دون عجنها هذا لي يخلي الحلوى تذوب في الفم 

ناخذ مول السيليكون نرش بشوية فرينة هذا يسهل نزع الحلوى بسهولة 

نشكل كويرات بحجم 20غ ونحطها في المول مالازمش نملأه بالعجينة لان العجينة فيها خميرة والاهم ان راح نلصق زوح حبات مع بعض لذلك مالازمش يكون مرتفع بزاااف
لاحظو الصورة

ندخله للفرن يطيب على 180د حوال 7د الى8د من الاحسن يبقى لونه فاتح مانحمروش

كي نخرجه من الفرن وهو ساخن نقلب راح تهبط الحلوى بكل سهولة.
من جهة نبسط كمية من العجينة ونقطع دوائر بنفس قطر وعدد الحلوى لي عملنا في مول السليكون

هذا شكل الحلوى بعد ما طابت

نضيف شوية ملون احمر للمعجون ونلصق حبات الحلوى وبواسطة بانسو نحط شوية معجون على الاطراف ونرمدها في الكاوكاو او نواد كوكو

نرش عليها سكر رطب ونزيد شوية معجون في المنتصف

نحطها في ليكيسات ونقدمها بالصحة والهناء 

صابلي البيضة راااائع شكلا وذوقا بالخطوات المصورة

صابلي البيضة حلوى اقتصادية وساهلة وتذوب في الفم ملائمة للمناسبات والافراح هذا شكلها

المقادير:
250غ مرقرين بحرارة الغرفة
60غ سكر رطب
100غ نشا
بيضة+صفار بيضة
فاني
نصف م ص خميرة مانكثروش حتى الحلوى تحافظ على شكلها
فرينة
للحشو:
انا استعملت حلوة الترك ممكن نعمل نواد كوكومرحي ونلمه بالمعجون ونضيفله ملون اصفر حتى ياخذ لون مح البيضة.
الطلية:

سكر رطب من النوع الجيد انا استعملت المرجان
ماء معدني
ماء الزهر
عصير ليمونة
كمية من النيسكافيه مذوبة في الماء
ملون برتقالي

نحتاج ايضا الى 
ملمع فضي
ورق الطهي لصنع عش البيضة

الطريقة:

نحضر عجينة الصابلي
نخلط المرقرين مع السكر بالخلاط ثم نضيف البيضة وصفار البيضة ونحرك ثم الخميرة والفاني والنشاء ونلم 
بالفرينة بلا مانعجن حتى نتحصل على عجينة متماسكة ماتكون طرية ماتكون يابسة هكذا

نشكل كويرات من العجينة بحجم 30غ ولي حابة حجم صغير تعمل 25غ نحشيها بشوية من حلوة الترك نعاود نغلقها ونكورها

لتشكيل هذا الحلوى يلزمنا هذا النوع من لي مول راه متوفر في السوق ولي ما عندهاش ممكن تعوضه بعلبة بيضة شكولة كيندر

نحط داخله كيس بلاستيكي حتى يسهل نزع الحلوى بسهولة

نحط الكويرات المحشية داخل المول ونضغط عليها حتى تاخذ شكل البيضة

نحطها في الصينية

ندخلها للفرن تطيب على 180د وهذا شكلها بعد ماطابت

نخليها تبرد تماما من بعد نحضر الطلية

الان نقوم بتحضير الطلية
هذا المرة عملت الطلية بدون بياض بيض لان كيما سبق وخبرتكم ان هو لي يخليها تبس بالخف

في اناء نحط السكر الرطب يكون مغربل ونضيفلو ماء الزهر حتى نتحصل على عجينة نعجنها شوية باليد

نضيف عليها عصير ليمونة ونحرك باليد

نضيف شوية من الماء المعدني حتى نتوصل للقوام المناسب 

بعدها نضيفلها كمية من النسكافيه المذابة في القليل من الماء وشوية ملون برتقالي حتى نتوصل للون المناسب للبيضة هكذا

في هذا النوع من الحلوى لي يذوب في الفم من الاحسن ناخذ مشبك ونحط داخل صينية نحط حبات الحلوى فوق المشبك ونهز الطلية بالملعقة ونحطها فوق الحلوى ونحرك المشبك حتى تهبط كمية الطلية الزائدة طبعا نعاود نستعملها مرة اخرى

نترك الحلوى تنشف تماما من بعد نلمعها بالقليل من الملمع الفضي 
حتى نزيد من جمالية الحلوى وتظهر وكانها بيضة حقيقية نعملها اعشاش
ناخذ ورق الطهي ونفوته في الماشينة في جهة الرشتة 

نحط الحلوى في ليكيسات ناخذ كمية من الورق لي حضرنا نلفه حول نفسه من بعد نحط ساير داير على البيضة ونقدمها بالصحة والهناء

طريقة تحضير وردة القرنفل

طريقة تحضير حلوة جافة بالتمر

عجينة السكر بطريقة مضمونة

جربتها وكانت النتيجة روووعة
تقدرو تستعملوها في تزيين الطورطات
او في ديكور الحلويات 
فهي بديل لعجينة اللوز
ذوقها مليح وماتيبسش
تبقى محافظة على طراوتها
لمدة طويلة
وثالث حاجة تقدري تمديها لاولادك
يلعبو ويتفننو وفي الاخير يقدروا ياكلوها
رائد ديما ياكل العجين المدرسي ههه

المقادير
4 ملعقة صغيرة جيلاتين بودرة حلال
5 م كبيرة ماء
3 م ك جلوكوز
فاني

وسكر مسحوق ومنخول 

الطريقة

نحط الجيلاتين والجلوكوز والماء

ونحطهم على حمام مائي ونخلط حتان يذوب

ومن بعد نبعدها على النار
ونضيف الفاني والسكر البودرة لكن بالتدريج مش على دفعة واحدة

ونخلط مليح
ونواصل اضافة السكر
ونخلط مليح حتان تبدا تحكم روحها مليح
نحطها على سطح مرشوش بكمية وفيرة 
من السكر

حطو السكر قدامكم وكملوا ضيفو السكر بالتدريج
واعجني مليح
وابقاي ضيفي السكر حتى تتحصلي على عجينة لينة قابلة للتشكيل

اذا يبستلك شوي بلي يديك بقطرات ما وواصلي العجن
واذا حسيتيها مرخوفة ضيفي السكر

وهذي النتيجة النهائية
غلفيها ببلاستيك غذائي
واستعمليها وقت الحاجة

وهنا بعد مالونتها

وهنا اول تجربة ليا 

خدمت صابلي بصح نقصت كمية السكر الى النصف
باش مايجيش حلو ياسر

دهنتو بطبقة خفيفة من المعجون المخفف بما الزهر
وحليت عجينة السكر وطبعتخا بنفس طابع الصابلي

والشخصيات اكيد مقتبسة من الانترنات ههه

كريات الأرز المحشي من مطبخ NINAFRET

حبيت نقدملكم طبق ساهل وبنين بزاف بزاف وعلابالي راح يعجبكم ويعجب اولادكم حتى اللي مايحبوش الارز راح يعجبهم بهاد الطريقة نخليكم مع المقادير
حضري صوص بيضاء عادي بالدجاج ولا باللحم حسب الموجود وهدا الرابط فيه طريقة تحضيري

لحم مفروم حسب الرغبة انا استعملت 250 غ 
كمية من الارز حسب افراد اسرتك اللي تكوني طيبتيه في ماء وملح وقطرة زيت حتى يطيب تماما قطريه وخليه يبرد مليح
زوج سنات ثوم مبروشة
ملح وفلفل اسود 
كمية من الحشيشة او الدبشة ومعاها معدنوس قطعيهم مليح بالسكين تقريبا زوج ملاعق كبار 
جبن طري حباة ولا نتاع الميزان
كمية من الزيتون اللي تنحيلو الملح 

فرينة-خبز مرحي-بيضة-زيت للقلي 


حطي اللحم المفروم النيء مع الثوم والملح والفلفل اسود والثوم والمعدنوس والدبشة وابداي زيدي الروز بالتدريج مع العجن حتى تولي كتلة متماسكة انا عيني هي ميزاني ومالازمش تزيدو الروز بكمية كبيرة لا مايتلمش 

شكلي كويرات واحشيها بالتناوب مرة جبن طري ومرة حبة زيتون وعاودي كوريهم

رمدي الكويرات في الفرينة ثم في بيضة مخفوقة ثم في الخبز المرحي

اقليهم في زيت غزير على نار متوسطة حتى يخدو اللون الدهبي

قدميهم مع الصوص بلونش ومعدنوس مقطع وشرائح ليمون

اسكالوب صحي وبحشوة بنينة من مطبخ مقدسية

صدر الدجاج صحي لكن اغلبنا يرى انو ناقص بنة ومافيهش دهن وفيمايلي طريقة لتقديمه بشكل مميز وبمذاق راااااااائع
نحتاج صدر كبير نخليوه من العظم بسكين حادراح نتحصل على جزاين صغيرين واخرين كبيرين

نقطع الجزاين الصغيرين اللي على يمين الصورة اعلاه قطع صغيرة تماما كيما البصل+زيت+بصل+فلفل حار +القليل من الملح (لانو راح نستعمل فورماج فيما بعد)ونحرك حتى تبياض قطع الصدر

نضيف خليط توابل(فلفل اكحل كسبر كمون قرفة) +2سنات ثوم ونخلط +دبشة او معدنوس وتحريكة ونبعد المقلة عى النار ونخليوه بجيه حتان يبرد

ممممممممممممم ريحتها تشهي

اما الجزاين الكبيرن من الصدر:نقسم كل جزء الى نصفين بحذر وتوضع الاجزاء الاربعة على بلاستيك وتغطى به وترقق بالحلال او اي اداة ثقيلة

تكون الحشوة بردت نزيدلها 100غ فورماج روج ونقسمهاعلى الصدور بعدما نرشهم بخليط التوابل

نضغط على الحشو باش يتلم ونلف الصدرثم الى الفرينة ونضمو مليح من الجانبين باش مايتحلش والى الزيت بحيث يوضع من الجهة السفلية يعني المفتوحة

نزيد 3سنات ثوم مرابيين+خليط التوابل وكمشة جلبانة(استعملت مجمدة لانها تقريبا طايبةاختياري)+نص ملعقة ك فرينة ونمرق بكمية ماء ونخليها حتان تخثاروتقدم مع روز او فريت