براونيز الطبقات بالنيسلي من ارووووع مايكون من مطبخ ام اماني

بسم الله الرحمان الرحيم


السلام عليكم اخواتي في الله 

كيف حالكن غالياتي ان شاء الله الكل بصحة وعافية

جبتلكم اليوم قاطو البراونيز بالشكولة ونيسلي من اروووع مايكون فيه 3 طبقات الاولى عبارة عن عجينة بالجوز والثانية نيسلي مع الجوز والطبقة الاخيرة عبارة عن شكولة ان شاء الله تجربوه واكييييد راح يعجبكم

الصينية المستعملة 23على 30سم
الكوب انا استعملت كوب القياس ممكن نستعمل كاس عادي بحجم 250مل

المقادير:
بالنسبة للطبقة الاولى
6 بيضات
150غ شكولة بالحليب
150غ شكولة سوداء
كوب ونصف زبدة طرية
2كوب سكر احرش
2كوب فرينة
2كوب جوز مدشش
فاني

اما الطبقة الثانية نحتاج الى

علبة نيسلي كرامليزي
كمية من الجوز انا استعملت كوب

الطبقة الثالثة

شكولة انا استخدمت نوعين من الشكولة بالحليب والسوداء

الطريقة:

اولا نذوب الشكولة المذكورة في المقادير مع الزبدة على نار هادئة

نخليها تبرد

من جهة بواسطة الخلاط الكهربائي نخفق البيض مع السكر جيدا ثم نضيف مزيج الزبدة والشكولة بعد ماذاب وبرد
ونحرك غير بالشوية نضيف الفاني والفرينة ونحرك

ثم نضيف الجوز

نحرك راح نتحصل على خليط مثل الكيك نفرغه في صينية مدهونة بالزبدة والفرينة

ندخلها للفرن يكون مسخن مسبقا على 180درجة

لما تطيب نخليها تبرد تماما

في اناء نخلط علبة النيسلي والجوز 

ونفرغها فوقها

ندخلها للثلاجة حتى تبرد النيسلي جيدا وتتماسك

نذوب الشكولة بالحليب+كمية من الشكولة السوداء مع كمية قليلة من الحليب على حمام مائي ونفرغها فوق طبقة النيسلي

ندخلها مرة اخرى للثلاجة حتى تبرد جيدا الشكولة ونقطعها مربعات ونقدمها وهذا شكلها النهائي

ان شاء الله تعجبكم وتجربوها ولاتنسوني اخواتي من صالح الدعاء



ملاحظة :

هذا الكمية قطعتلي 38حبة ممكن نعمل الوصفة في مول صغير بنصف هذه المقادير


في امان الله