قاطو ماجور راااائع من مطبخ ام اماني

المقادير:
6بيضات
علبة قاطو ماجور ذوق شكولة مرحي غبرة
نفس المقدار من اللوز مرحي خشن
كاس سكر عادي 
كاس زبدة ذايبة
فاني ،2خميرة
السيرو:
3كيلات ماء،كيلة سكر
للتزيين:
حليب نسلي
شكولة
قوفريط على شكل سيجار
الطريقة:
اولا نرحي علبة ماجور غبرة ونفس المقدار نتاع ماجور هو مقدار اللوز مرحي خشن

من جهة نفصل البياض عن الصفار
نطلع البياض مع الفاني ورشة ملح ونخليه جانبا
نضرب الصفار مع السكر بالخلاط الهربائي جيدا نضيف ماجور واللوزوالزبدة الذايبة ووالخميرة ونحرك بالملعقة ونضيف البياض تدريجيا ونحرك من الاسفل الى الاعلى كيما نعملو في الجينواز ندهن مول متوسط بالزبدة والفرينة ونفرغ الخليط ونحط يطيب في فرن مسخن مسبقا على180درجة

لما يطيب نخليه يبرد تماما وهذا شكله

نحضر السيرو بالمقادير السابقة ونخليها تبرد ونسقي القاطو بلا مانكثر لسببين اولا القاطو يجي حلو ثانيا كنقطعوها تتفتت يعني نسقيها غير شوية 

نكونو طيبنا علبة نسلي في الكوكوطة لمدة45د نخلها تبرد تماما نضربها بالباتور شوية ونفرغها على الحلوى

ندخلها للثلاجة شوية لتسهيل عملية القطع

بعدها نقطعها مربعات ونزينها بالسيجار والشكولة وهذا شكلها النهائي