المقادير:
كيلة لوز مرحي رقيق
كيلة سكر رطب
25غ مرقرين طرية في كل 500غ لوز
فاني
ماء معدني
لاجولي
ملون ابيض واحمر
اعواد من الكرز تكون مجففة
الطريقة
اولا نرحي اللوز رقيق من بعد نعاود نرحيه مع السكر الرطب ونفوتو في السيار نتاع الفرينة هكذا
نضيف الفاني وكمية المرقرين ونحرك ثم نلم بالماء المعدني غير بالشوية حتى نتحصل على عجينة متماسكة نغلفها ونخليها ترتاح .
نرش طاولة العمل بالسكر ونبسط عجينة اللوز بالحلال مالازمش تكون خشينة بزاااف ونشكل اشكال ممكن قلوب او دوائر او مربعات
نسيت نقولكم انكم قبل ما تجمعو العجينة بالماء ناخذ كمية منها نضيفلها ملون ابيض ونجمعها بالماء وكمية نضيفلها ملون احمر ونجمعها ايضا بالماء
الان ناخذ العجينة الملونة بالابيض نبسطها بالحلال ودائما نرش السكر الرطب على طاولة العمل حتى ماتلصقش بواسطة فرشاة نحط كمية
من الملمع الفضي وناخذ حلال يكون مزركش ونفوتو على العجينة هكذا
نقطع اشرطة يكون سمكمها اكبر من سمك الحلوى لي طبعناها
بواسطة لاجولي نلصق الاشرطة على اطراف الحلوى
ناخذ كمية من لاجولي ونضيفلها ملون احمر ونحطها على النار حتى تذوب ونحط فوق الحلوى غير بالشوية
نأخذ عجينة اللوز الحمراء نشكل كويرات صغار ندهنهم بلاجولي نشكل اوراق صغيرة نحطها من فوق ونثبت اعواد الكرز ونزين بها الحلوى
انا عملتها بالكرز ممكن نزينها باي نوع من الفواكة وطبعا لون لاجولي نغيره على حساب الفاكية مثلا اذا راح نعمل ليمون نلونه بالاصفر وهكذا
عن قرب
هنا صورتها على الاطراف حتى تشوفو الزخرفة
ملاحظات
اللوز يكون ابيض يعني مقشر بدون مانحمصه
كيلو ونصف لوز يقطع100حبة
يمكن نعمل هذا الحلوى على شكل كفتة يعني نعمل طبقة رقيقة من اللوز ومن ثم طبقة من الحشو ثم طبقة رقيقة من اللوزوالحشو عبارة عن كيلتين بيسكويت مرحي وكيلة كاوكاو محمص ومرحي ونجمع بالمعجون
في امان الله
اللوز يكون ابيض يعني مقشر بدون مانحمصه
كيلو ونصف لوز يقطع100حبة
يمكن نعمل هذا الحلوى على شكل كفتة يعني نعمل طبقة رقيقة من اللوز ومن ثم طبقة من الحشو ثم طبقة رقيقة من اللوزوالحشو عبارة عن كيلتين بيسكويت مرحي وكيلة كاوكاو محمص ومرحي ونجمع بالمعجون
في امان الله
