طاجين اصابع المرقاز بالدجاج

المقادير:

لتحضير المرق الابيض نحتاج الى

قطع دجاج 
بصل مرحي
سنينة ثوم
ملح
فلفل اسود
م ك مرغرين 
فطر معلب

لتحضير اصابع المرقاز نحتاج الى

صدر دجاجة
حوالي رطل مرقاز
معدنوس
ثوم
ملح
فلفل اسود

الطريقة:

اولا نحضر المرق الابيض بالطريقة المالوفة 

نحط كل المكونات المذكورة في طنجرة على نار هادئة 

ونخليها تتقلى جيدا من بعد نضيف كمية قليلة من الماء ونخليها تكمل تطيب

من جهة نحط المرقاز في مقلاة على نار هادئة من دون اضافات حتى يطلق كل المواد الدسمة لي فيه ويتحمر

بعدها نرحي صدر الدجاج ونتبله معدنوس ملح فلفل اسود وشوية ثوم 

فوق طاولة العمل نحط كييس بلاستيكي ونحط فوقه الدجاج ونزيد نغطيه بكيس بلاستيكي اخر ونحله بالحلال

نقطعه مربعات بالسكين وداخل كل مربع نحط قطعة مرقاز

نلف المرقاز على الدجاج راح نتحصل على اصابع المرقاز

في مقلاة نحط كمية قليلة من الزيت ونحمرهم من فوق يعني بلا مانطيبهم فقط ياخذو اللون الذهبي

هكذا

من بعد نحط اصابع المرقاز في المرقة البيضا ونخليهم يطيبوحتى نتحصل على صلصة تكون عاقدة

في نفس المقلاة لي حمرنا فيها الدجاج نحط فيها كمية من الفطر المقطع لعدة دقائق من بعد نضيفه للصلصة البيضاء
بعدها نقطع اصابع المرقاز بشكل طولي ونحط ساير داير في صحن التقديم وفي الوسط نحط الدجاج بعد مانحمره ونسقيه بالصلصة نزينه بشرائح الليمون والمعدنوس ونقدمه بالصحة والهناء