المقادير:
250غ مرقرين
نصف كاس سكر رطب
نصف كاس بندق محمص ومرحي رقيق وممكن نعوضه باي نوع اخر من المكسرات
بيضة +صفار بيضة
فاني
فرينة
الطريقة:
بواسطة الخلاط الكهربائي نخلط المرقرين والسكر جيداا نضيف البيضة وصفار بيضة ونحرك ثم البندق والفاني ونلم بالفرينة
بالنسبة للقوالب عبارة عن اكواب صغيرة راهي متوفرة في الاسواق يمكن نعمل بها عدة انواع من الحلوى ان شاء الله نحطلكم انواع اخرى بنفس القوالب وبافكار مختلفة
راح نأخذ كمية من العجينة ونبسطها في الاكواب
ندخلها للفرن تطيب على 180د وهذا شكلها بعد الطهي
من جهة نبسط العجينة المتبقية ونقطع دوائر بعدد الاكواب
بعد مانطيب الدوائر نخليها تبرد
بالنسبة للحشو نذوب الكابريس مع شوية حليب ونضيف كمية من نيسلي كرامليزي وكمية من نوتيلا ونحشي الاكواب
نحط كمية قليلة من الشكولة الذائبة على اطراف الكوب ونغلق بالدائرة هكذا
ونخليها تنشف حتى كي نقلبها الحشو يبقى للداخل
بالنسبة للشكولة انا استعملت النوار باه ماتجيش الحلوى حلوة بزاف لانها محشية
اذن نذوب الشكولة نوارانا ضفتلها كمية قليلة من الشكولة بالحليب لان اولادي مايحبوش الشكولة نوار ونقصت شوية من كمية الحشو
نغطس الحلوى في الشكولة ونقلبها على جهة الدايرة لي لصقناها ونخلوها تنشف
من جهة نحضر الطلية لي نزين بها
نخلط كمية من بياض البيض مع السكر الرطب والفاني والملوى الاحمر ونزين بهذا الشكل
في المنتصف نزين بحلوى التوت ونقدمها وهذا شكلها النهائي
شوفو شكلها ما احلاهوالذوق امممممممم
ان شاء الله تعجبكم الحلوى وتجربوها
ولاتنسوها اخواتي من صالح دعائكن
في امان الله
ولاتنسوها اخواتي من صالح دعائكن
في امان الله
Aucun commentaire:
Enregistrer un commentaire